बारामतीतील कॅफेत अल्पवयीन मुला मुलींचे अश्लिल चाळें : कॅफे चालकावरती गुन्हा दाखल
बारामती : बारामती तालुका पोलीसांनी व निर्भया पथक उपविभागीय पोलीस अधिकारी कार्यालाय बारामती यांनी संयुक्त कारावाई करित कॅफे ग्राउंड अप विदया कॉर्नर बारामती येथील कॅफेची अचानक तपासणी केली असता कॅफेमध्ये पडदे लावुन पार्टीशन केलेल्या जागेत शिक्षण घेत असलेली अल्पवयीन मुले मुली एकांतात बसुन असभ्य वर्तन व अश्लिल चाळे करत असलेचे आढळून आले. या प्रकरणी कॅफे ग्राउंड अप विदया कॉर्नर एमआयडीसी बारामतीचे मालक सुहास तानाजी कदम व मॅनेजर मयुर बाळु कदम यांचेवरती तालुका पोलीस ठाण्यात गुन्हा दाखल केला असल्याची माहिती पोलीस निरीक्षक प्रभाकर मोरे यांनी दिली.
याबाबत अधिक माहिती अशी की, बारामतीमधील एमआयडीसी परिसरामधील विदयाप्रतिष्ठान महाविद्यालयाच्या परिसरामध्ये बरेच कॅफे सुरू करण्यात आली असुन या कॅफेत महाविदयालयीन मुला मुलींना निवांतपणे गप्पा मारता येतील असा व्यावसायिक दृष्टीकोने ठेवुन व्यवस्था करण्यात आली आहे. यामुळे कॅफेत जाण्याकडे तरूण तरूणीचा कल वाढला असुन कॅफे व्यवसाय तेजीत आला आहे. त्यामुळे संबधीत कॅफेचालकावरती कारवाई करण्याची नागरिकामधुन चर्चा होत होती तसेच वृत्तपत्रात वृत्त देखील आले होते.
याबाबत पोलीस निरीक्षक मोरे सांगितले की, पालकांनी याबाबतीत गांभीर्याने लक्ष देणे गरजेचे असुन संबंधित सर्व कॅफे चालकाना नोटिसा बजावण्यात आल्या असुन त्यांनी कॅफेमधील पार्टिशन काढुन टाकण्याच्या सूचना केल्या आहेत, तसे न केल्यास संबंधितांवर कठोर कारवाई करण्यात येईल व सदर कॅफेचालकाचे परवाने रदद करण्याबाबतचा अहवाल उपविभागीय अधिकारी बारामती यांना पाठविण्यात येणार आहे.
सदरची कारवाई अप्पर पोलीस अधीक्षक बारामती आनंद भोईट व उपविभागीय पोलीस अधिकारी गणेश इंगळे याचे मार्गदर्शनाखाली निर्भया पथक उपविभागीय पोलीस अधिकारी कार्यालय बारामती व बारामती तालुका पोलीस स्टेशन यांनी संयुक्त रित्या केली.
