ऑनलाईन रमी आणि व्यसनाच्या आधीन होऊन शेतकऱ्यांच्या पोरांनीच केली चोरी. गुन्हयातील एकुन ३,१६,७०० रू. कि. चा मुद्देमाल हस्तगत.

बारामती :  वडगावनिंबाळकर पोलिसांनी धडाकेबाज कामगिरी करीत शेतकऱ्यांच्या विहिरीतील तसेच बोरमधील चोरीला गेलेल्या चोरांच्या मुसक्या आवळीत चोरी करणारासह चोरीच्या मोटारी खरेदी करणाराला अटक करून गुन्ह्यातील वीस मोटारी एकूण तीन लाख सोळा हजार सातशे रुपयांचा मुद्देमाल पोलिसांनी हस्तगत केला असून ऑनलाईन रमी आणि व्यसनाच्या आधीन होऊन शेतकऱ्यांच्या पोरांनीच गुन्हे केल्याची माहिती अप्पर पोलिस अधीक्षक गणेश बिरादार यांनी दिली.

वडगाव निबाळकर पोलीस स्टेशन हददीतील मौजे लोणीभापकर, सायंबाचीवाडी ता. बारामती गावांच्या हददीतील शेतकऱ्यांच्या विहिरीवरील मोटारी चोरीला जात असल्याच्या एकूण 18 तक्रारी दाखल झाल्या होत्या त्या अनुषंगाने पोलिसांनी शिताफीने तपास करीत चोरी करणारे  पाच आणि चोरीचा माल घेणारा एक अश्या सहा आरोपींच्या मुसक्या आवळीत अटक करून चोरीला गेलेल्या मोटारी हस्तगत केल्या आहेत. या प्रकरणी आरोपी १) ओंकार राजेश आरडे ( वय 25 वर्षे ) २ ) महेश दिलीप भापकर ( वय ३१ वर्षे दोघे रा. लोणी भापकर ता. बारामती  ) ३) अमोल लहु कदम ( वय २८ वर्षे रा. जळकेवाडी, ता. बारामती ) ४) निलेश दत्तात्रय मदने ( वय २८ वर्षे ) ५) प्रथमेश जालिंदर कांबळे ( वय २२ वर्षे दोघे रा. लोणी भापकर ता. बारामती  ) यांच्यावर गुन्हा दाखल केला आहे यांनी मोटारी चोरी करून आरोपी कालिदास शिवाजी भोसले याला विकल्याचे निषपन्न झाले त्यावरून सर्व आरोपी यांना अटक करण्यात आली असुन आरोपी याचेकडुन गुन्हयातील एकुन ३,१६,७०० रू. किमतीच्या 20 मोटारी पोलिसांनी हस्तगत केल्या आहेत. तात्काळ गुन्ह्याची उकल केल्याने वडगाव निंबाळकर पोलिस ठाण्याच्या पोलिस टीमला अपर पोलीस अधीक्षक गणेश बिरादार यांनी दहा हजार रुपयांचा पुरस्कार जाहीर केला.

सदाची कामगिरी पोलीस अधीक्षक पंकज देशमुख, अपर पोलीस अधीक्षक गणेश बिरादार, उपविभागीय पोलिस अधिकारी सुदर्शन राठोड, स्थानिक गुन्हे शाखेचे पोलिस निरीक्षक अविनाश शिळीमकर यांच्या मार्गदर्शनाखाली वडगावनिंबाळकर पोलीस ठाण्याचे प्रभारी अधिकारी सहा पोलीस निरीक्षक सचिन काळे, सहाय्यक पोलिस निरीक्षक राहुल साबळे, दिलीप सुतार, हवालदार अनिल खेडकर, तौफीक मणेरी, महेश पन्हाळे, सूर्यकांत कुलकर्णी, भाऊसो मरकड, सहाय्यक फौजदार बाळासाहेब कारंडे, शाहूराज भोसले, नागनाथ परगे, विलास ओमासे, धनंजय भोसले, राजेंद्र सावंत, सोमनाथ ढोणे,भानुदास सरक, विकास येटाळे, अरुण सोनवणे यांनी केली आहे.

या गुन्ह्यातील गुन्हेगार हे एकाच गावातील सुशिक्षित, साधन घरातील तरुण असून त्यांनी त्यांच्याच गावात चोऱ्या केल्या आहेत एकाने तर चक्क स्वतःच्या विहिरीवरील मोटार चोरली आहे. सर्व आरोपी यांची एकाचीही गुन्ह्याची पार्श्वभूमी नाही ऑनलाईन रमी आणि व्यसनाच्या आधीन होऊन शेतकऱ्यांच्या पोरांनीच गुन्हे केले आहेत.

वडगाव निंबाळकर पोलिस ठाण्याच्या पोलिसांनी शिताफीने आरोपी अटक करून गुन्ह्याची उकल केल्याने फिर्यादी शेतकऱ्यांनी आनंदाने पोलिसांचा सत्कार केला