बैल खरेदीच्या वादातून गोळीबार, एक जन गंभीर जखमी

बारामती : बारामती तालुक्यातील निंबूत येथे बैलगाडी शर्यतीच्या, बैलाच्या, खरेदीच्या व्यवहारात झालेल्या वादातून गोळीबार झाला आहे. या घटनेत बैलाचा पुर्वाश्रमिचा मालक रणजीत निंबाळकर गंभीर जखमी झाला असून याप्रकरणी तालुक्यातील वडगावनिंबाळकर पोलिस ठाण्यात गुन्हा दाखल करण्यात आला आहे.
सविस्तर हाकिकत अशी की काही दिवसांपूर्वी निंबूत येथील गौतम काकडे यांनी बैलगाडी शर्यतीतील ट्रिपल महाराष्ट्र केसरी “सुंदर” नावाचा बैल फलटनच्या रणजीत निंबाळकर यांच्याकडून खरेदी केला होता, बैलाचा व्यवहार 37 लाखांचा करून पाच लाख रुपये विसार देऊन खरेदी केला राहिलेली रक्कम 32 लाख रुपये घेण्यासाठी निंबाळकर हे काकडे यांच्या घरी गेले असताना, राहिलेल्या पैशाच्या वादातून काकडे यांनी गोळीबार केला. यात रणजीत निंबाळकर गंभीर जखमी झाले असून त्यांना पुण्याला उपचारासाठी दाखल करण्यात आले आहे. या प्रकरणी निंबाळकर यांची पत्नी अंकिता रणजीत निंबाळकर यांनी वडगाव निंबाळकर पोलिस ठाण्यात गौतम शहाजी काकडे, गौरव शहाजी काकडे यांच्यासह इतर तिघांविरुद्ध गुन्हा दाखल केला आहे. अधिक तपास सहाय्यक पोलिस निरीक्षक राहुल घुगे हे करीत आहेत.