बारामती नगरपरिषद कामगार पतसंस्थेच्या वतीने सभासदांचा सत्कार

बारामती : बारामती नगर परिषद कामगार सहकारी पतसंस्था यांच्या वतीने आयोजित करण्यात आलेल्या वार्षिक सर्वसाधारण सभेमध्ये सेवानिवृत्त  सभासद व त्यांच्या पाल्याचा शैक्षणिक क्षेत्रातील उल्लेखनीय कामगिरी बदल  सन्मान करण्यात आला.

रविवार दि.०९ जून रोजी बारामती नगरपरिषद कामगार सहकारी पतसंस्थेचे ४५ वी वार्षिक सभा खेळीमेळीच्या वातावरणामध्ये संपन्न झाली या प्रसंगी बारामती नगर परिषदच्या  माजी नगराध्यक्षा पौर्णिमा तावरे, माजी गटनेते सचिन सातव व मुख्यधिकारी महेश रोकडे व पतसंस्थेचे चेअरमन सुनील धुमाळ, व्हाईस चेअरमन प्रतिभा सोनवणे, संचालक राजेंद्र सोनवणे, भालचंद्र ढमे, चंद्रकांत सोनवणे, फिरोज आत्तार, दादासाहेब जोगदंड, उमेश लालबिगे, संजय चव्हाण, विजय शितोळे, अजय लालबिगे, दीपक अहिवळे, संचालिका सुवर्णा भापकर ,सचिव अनिल गोंजारी व सभासद, विद्यार्थी, विध्यार्थीनी कर्मचारी उपस्तीत होते.

नगरपरिषद पतसंस्था सभासदाच्या हितासाठी उत्तम आर्थिक नियोजन करत असल्याचे माजी नगराध्यक्षा पौर्णिमा तावरे यांनी मत व्यक्त केले  तर सभासदाच्या मुलांनी शैक्षणिक क्षेत्रात उत्तम कामगिरी करत राहो अशी अपेक्षा व्यक्त करीत उपस्थित सर्वांना शुभेच्छा माजी गटनेते सचिन सातव यांनी दिल्या तर सभासदाचे कार्य कौतुकास्पद असून आर्थिक प्रगती बरोबर कौटुंबिक हित जोपासत मुलांना उच्च शिक्षण देणे गरजेचे असल्याचे मत  मुखधिकारी महेश रोकडे यांनी व्यक्त केले.

सभासदांना   ९% लाभांश जाहीर करून १०  लाख रुपये पर्यंत कर्ज मर्यादा व व्याजाचा दर ९% वरून ८% करण्यात आल्याचीची घोषणा चेअरमन सुनील धुमाळ यांनी केली. नगरपरिषद स्तरावर एवढे मोठे कर्ज देणारी राज्यातील बारामती नगरपरिषद कामगार सहकारी पतसंस्था असल्याचे  ज्येष्ठ संचालक राजेंद्र सोनवणे यांनी सांगितले अहवाल वाचन अनिल गोंजारी यांनी केले तर सूत्रसंचालन सावळेपाटील यांनी केले.