कारभारी प्रिमिअर लिगच्या माध्यमातुन बारामतीत रंगणार क्रिकेटचा थरार…

बारामती :  महाराष्ट्र क्रिकेट असोसिएशनच्या मान्यतेने दिनांक 20 मार्च ते 04  एप्रिल 2024 दरम्यान बारामती येथे संपूर्ण भारत देशातुन सहभागी होणाऱ्या 16 नामांकीत खेळाडूंचा भरणा असलेल्या संघामध्ये डाॅ. बाबासाहेब आंबेडकर स्टेडीयम येथे ‘कारभारी प्रिमिअर लिग (KPL) 2024’ च्या माध्यमातुन क्रिकेटचा थरार बारामती व पंचक्रोशीतील क्रिकेट रसिकांना अनुभविण्यास मिळणार आहे.

या स्पर्धेमध्ये कर्नाटक, मुंबई, पुणे, सोलापूर, कोल्हापूर, नाशिक, जळगांव, बारामती, इंदापूर आशा विविध जिल्हा व परराज्यातून 100 हून अधिक रणजीपट्टूं असलेले संघ सहभागी झालेले आहेत. या स्पर्धेच्या माध्यमातुन बारामती व पंचक्रोशीतील क्रिकेट खेळाडूंना भारतातील अनेक प्रतिभावान खेळाडूंचा खेळ पाहण्याची संधी मिळून त्यांच्या क्रिकेटच्या ज्ञानामध्ये भर पडावी याकरिता दर वर्षी कारभारी प्रिमिअर लिगचे आयोजन मोठ्या दिमाखात केले जाते.

स्पर्धेचे दिमाखदार आयोजन, रक्कम पाच  लाख व चषक तसेच भरघोस बक्षिसे असणार आहेत, स्पर्धेमध्ये सहभागी होणाऱ्या खेळाडूंकरीता ब्रंडडेड कलर किट, भरघोस वैयक्तीक रोख बक्षिसे, एनर्जी ड्रिंक, फ्रुट बास्केट, प्रत्येक संघास 3 लिग मॅच, प्रत्येक सामन्यात मॅन ऑफ द मॅच, मॅन ऑफ द सिरीजसाठी इलेक्ट्रीक बाईक, अंतर राष्ट्रीय दर्जाचे यु-ट्युब लाईव्ह प्रक्षेपण, सोशल मिडीया कव्हरेज, थर्ड अंपायर सुविधा,  मान्यताप्राप्त अंपायर (पंच) अशा विविध वैशिष्टपूर्ण स्पर्धेचे आयोजन केले असून बारामती व पंचक्रोशीतील क्रिकेट रसिकांनी याचा आनंद घ्यावा असे आवाहन स्पर्धेचे आयोजक प्रशांत  सातव यांनी केले आहे.