बारामतीत सुरु होणार शासकीय नर्सिंग महाविद्यालय
बारामती : बारामतीत पुण्यश्लोक अहिल्यादेवी होळकर शासकीय वैद्यकीय महाविद्यालय सुरू झाले आहे. तर सध्या आयुर्वेद महाविद्यालयाचे काम देखील प्रगतीपथावर आहे. त्या पाठोपाठ आता बारामतीत शासकीय नर्सिंग महाविद्यालय सुरू होणार आहे. राज्यमंत्रीमंडळ बैठकीत हा निर्णय घेण्यात आला आहे. बारामती, जळगाव, लातूर, सांगली ( मिरज ) , नंदुरबार आणि गोंदिया या सहा ठिकाणी नर्सिंग महाविद्यालय सुरू करण्यासाठी मंत्रीमंडळ बैठकीत मान्यता देण्यात आली.
या बैठकीत अनेक धोरणात्मक निर्णय घेण्यात आले. त्यामध्ये राज्यात नव्याने सहा ठिकाणी नर्सिंग महाविद्यालये सुरू करण्याचा निर्णय घेण्यात आला आहे. यामध्ये बारामतीचाही समावेश असून बारामतीत वैद्यकीय शिक्षणाच्या सुविधेसह आता नर्सिंग शिक्षणाची सुविधा उपलब्ध होणार आहे.
दिनांक १४ फेब्रुवारी २०२४ रोजीच्या राज्य मंत्रिमंडळ बैठकितील संक्षिप्त निर्णय पुढील प्रमाणे :-
1. मुख्यमंत्री ग्राम सडक योजनेत अतिरिक्त ७ हजार किमी रस्ते व पुलाची कामे ( ग्रामविकास विभाग)
2. ऑनलाईन पद्धतीने वाळू, रेती पुरविण्यासाठी सर्वंकष सुधारित रेती धोरण…. ना नफा ना तोटा तत्त्वावर वाळू विक्री दर निश्चित केले जाणार ( महसूल विभाग)
3. शासकीय वैद्यकीय महाविद्यालयातील इंटर्नशिप विद्यार्थ्यांना विद्यावेतनात भरीव वाढ…. आता मिळणार दरमहा १८ हजार ( वैद्यकीय शिक्षण विभाग)
4. राज्य शासकीय कर्मचाऱ्यांच्या आश्वासित प्रगती योजनेत सुधारणा.. ( वित्त विभाग)
5. उच्च तंत्रज्ञान वापरणाऱ्या अती विशाल उद्योगांना प्राधान्य क्षेत्राचा दर्जा. व विशेष प्रोत्साहने देणार, राज्यातील कमी विकसित भागांना याचा फायदा ( उद्योग विभाग)
6. सायन कोळीवाडातील सिंधी निर्वासितांच्या २५ इमारतींचा पुनर्विकास म्हाडा करणार. ( गृहनिर्माण विभाग)
7. अनुसूचित जातीच्या विद्यार्थ्यांना देण्यात येणाऱ्या मॅट्रिकपूर्व शिष्यवृत्ती योजनेसाठी सुधारित मार्गदर्शक सूचना ( सामाजिक न्याय विभाग)
8. राज्यात सहा ठिकाणी नर्सिंग महाविद्यालय होणार. ( वैद्यकीय शिक्षण विभाग)
9. एकात्मिक औद्योगिक क्षेत्रात पायाभूत सुविधांना प्रोत्साहन देणार. मुद्रांक शुल्क माफीमध्ये लीजचा समावेश ( उद्योग विभाग)
10. भुदरगड तालुक्यात नवीन समाजकार्य महाविद्यालय ( सामाजिक न्याय विभाग)
