बारामती शहरात जाहिरात फलकांना बंदी, नगरपरिषद प्रशासन कारवाई करताना करतेय दुजाभाव.
बारामती : बारामती शहरात जाहिरात फलकांमुळे शहराचे विद्रुपीकरण होत असल्याने नगरपरिषदेने शहरातील २२ चौकांत जाहिरात फलक लावण्यास बंदी घातली आहे मात्र ही बंदी ठराविक लोकांनाच आहे की काय असा प्रश्न निर्माण झाला आहे कारण नगरपालिका प्रशासन तोडेपाहून कारवाई करीत असल्याचे निदर्शनास आले असून घेतलेल्या निर्णयात नगरपालिकेचे प्रशासकीय सुलतान ठराविक संस्था आणि ठराविक नागरिकांच्याच जाहिरात फलकांवर कारवाई करताना दिसत आहे त्यामुळे नगरपालिका प्रशासन नागरिकांच्या रोषाला कारणीभूत होताना दिसत आहेत.
तर नवीन नियमानुसार पालिकेने निश्चित केलेल्या २२ चौकांत कोणीही जाहिरात फलक लावल्यास त्यांच्यावर महाराष्ट्र सार्वजनिक मालमत्ता विद्रूपीकरण कायदा, भारतीय दंड संहिता आणि प्रचलित कायद्यानुसार फौजदारी कारवाई केली जाणार असल्याचे जाहीर केले. ही कारवाई केवळ फलक लावणाऱ्यांवरच नव्हे, तर त्यासोबत प्रिंटिंग करणारा, मंडपवाला, फ्लेक्स प्रिंटींगवाला, यांच्यावरही होणार आहे, असे जाहीर करण्यात आले आहे इतर ठिकाणी
जाहिरातींना परवानगी देताना वाहनचालकांच्या डोळ्यावर तिरीपी येईल एवढ्या प्रखरतेची रोषणाई केलेले फलक, दोन किंवा दोनपेक्षा जास्त रस्ते एकत्र मिळतात अशा ठिकाणी, थांबा रेषेपासून समोरील बाजूस २५ मीटर एवढ्या अंतराच्या आत जमिनीवर उभारलेल्या जाहिरात फलकांची दर्शनी बाजू, सार्वजनिक खुली जागा, मनोरंजनाची मैदाने, क्रीडांगणे, उद्याने, रस्त्यावर कोणतेही फिरती जाहिरात प्रदर्शनासाठी वाहन उभे करण्याची परवानगी दिली जाणार नाही. असेही जाहीर करण्यात आले आहे.
बारामती शहरातील भिगवण चौक, तीन हत्ती चौक, सुभाष चौक, गांधी चौक, इंदापूर चौक, गुणवडी चौक, छत्रपती शिवाजी चौक, ढवाण पाटील चौक, अण्णा भाऊ साठे चौक, राजर्षी शाहू चौक, सिद्धार्थनगर चौक, मार्केट यार्ड चौक, कदम चौक, सातव चौक, देशमुख चौक, पंचायत समिती चौक, श्रीरामनगर चौक, औद्योगिक वसाहत चौक, हॉटेल अभिषेक चौक, सिटी इन चौक, जिल्हा क्रीडा संकुल चौक आणि कारभारी सर्कल चौक या चौकात यापुढे जाहिरात बंदी घालण्यात आली आहे.
नगरपरिषद प्रशासन कारवाई करताना दुजाभाव करीत असल्याचा नागरीकांचा आरोप.
नगरपालिकेने जाहिरात बंदी केली खरी मात्र कारवाई करीत असताना नगरपालिका प्रशासन दुजाभाव करीत असल्याचे निदर्शनास आले, बारामतीत एका सेवाभावी संघटनेच्या वतीने २६/११ च्या निमित्ताने रक्तदान शिबिराचे आयोजन करण्यात आले आहे त्याचा प्लेक्स तीनहत्ती चौकात लावल्या नंतर नगरपालिका प्रशासानाने कोणतीही कल्पना न देता प्लेक्स फाडला व नुकसान केले तर दुसऱ्या एका घटनेतही फ्लेक्सवर नगरपालिका प्रशासन कारवाईला गेले मात्र त्याच जागी सध्या एका मँँरेथाँँनचा फ्लेक्स लागला त्यावर कोणतीच कारवाई झाली नाही किंवा जाणीवपूर्वक केली नाही यामुळे एकूणच नगरपालिका प्रशासन कारवाई करताना दुजाभाव करीत असून त्यामुळे पुढील काळात प्रशासन नागरिकांच्या रोषाला बळी पडणार हे मात्र निश्चित
अनेकांचा रोजगारावर गदा येणार
जाहिरात बंदी मुळे फ्लेक्स प्रिंटींग व्यवसाय तसेच मंडप व्यवसायामध्ये काम करणाऱ्या कामगारांच्या रोजगारावर गदा येणार असुन, लाखो रुपये गुंतऊन सुरु केल्याल्या प्लेक्स प्रिंटींगच्या व्यवसायावर देखील गदा येणार आहे. तर बंदी असावी मात्र नगरपालिका प्रशासनाने काही चौक वगळून बंदी करायला हवी होती असे व्यावसायिकांच्या वतीने बोलले जात आहे.
